当前位置: > 最新动态 >

全场8.8折!广州最美味牛杂煲,连潮汕人都说好吃

老广记牛杂加盟资讯:全场8.8折!广州最美味牛杂煲,连潮汕人都说好吃;有个潮汕朋友,佢一直问我点解唔推荐D好食嘅潮汕餐厅畀佢。为咗证明我真係够朋友,我特登搜罗广州地道嘅潮汕餐厅,经过实地考察,终于揾到一间啱心水嘅!宜家喺广州,都可以食到家乡嘅味道

呢间位于天河科新路海陆丰人家地方好大,装修简洁儒雅,一楼係大厅,二楼係包厢。

讲到潮汕菜,我首先就谂起潮汕牛杂煲啦,嗰种香味真係冇得顶,海陆丰人家都有牛杂煲,等我试下先。

牛杂火煲

呢个牛杂火锅我哋一棚人食过都话正!就连我个潮汕朋友都话超好食!牛杂係论斤称嘅,只需68蚊一斤!

金钱肚、牛肠、牛脯肉,全部都係贵嘢嚟噶,要食就要食好嘅!经过熬煮,牛杂完全吸收晒汤汁嘅香馥鲜味,入口唔止有牛肉本身嘅肉香,仲有汁水嘅鲜味,真係无得顶!

金钱肚鲜嫩爽脆,牛肉脯就肉香醇厚,食过之后,先至感受到咩叫珍惜每一件食材,因为呢煲牛杂火锅,真係好食到一件都唔想浪费

不得不提佢嘅汤底,係潮汕籍师傅经过不断改良,用咗十几种香料炮制嘅,係地地道道嘅潮汕味道,呢个汤底比起我食过嘅咁多潮汕牛杂煲,都要香浓好味

如果点埋呢个佢哋自制嘅辣椒酱仲正啊!绝对唔係出面D牌子辣椒酱,辣得嚟带香,香得嚟带鲜,哇~真係好滋味!

 

讲到明係地道嘅潮汕菜馆,又点会净係得一个潮汕牛杂火锅咁少啊,除咗牛杂火锅,仲有好多超级地道嘅潮汕小食咖!睇下呢个橱柜就知啦,有版畀你睇,全部食材都係新鲜手工制作嘅,保证天然健康无添加

 

香煎菜头饼

例如呢个香煎菜头饼。

所谓嘅菜头饼,即係萝卜切丝之后加入墨鱼浆一齐压制成饼嘅,味道唔止有萝卜嘅清香,仲有墨鱼嘅爽脆添。煎到金黄酥脆嘅肉饼,蘸D辣椒酱嚟食,仲会特别鲜香添。

 

杂菜酥

同样都係海陆丰小食嘅仲有呢个杂菜酥。上面铺满杏仁,仲有蔬菜汁,斋睇就令人垂涎欲滴啦。

上面係果仁,夹起先知原嚟下面係好厚嘅肉饼嚟噶!肉饼係墨鱼浆整成嘅,夹杂住蔬菜,食起身更加清甜

 

咸蛋夹

呢个咸蛋夹同杂菜酥生得好似样,不过里面嘅馅料就大不相同。表面係香脆嘅葵瓜子,内力係咸香嘅咸蛋黄外层香酥,内层绵软,甜蜜之中带少少咸味。

因为咸蛋黄之中仲加入咗陈年老香黄,味道又有D香甜,咸味同甜味互相交融,又唔会影响本身嘅味道,实在一绝。

 

八宝鸭

八宝鸭虽然係上海菜,不过海陆丰人家呢度经过改良,变成咗拥有广东特色嘅名菜,更加符合广东人嘅口味。

呢一道菜嘅独特之处,就在于师傅係先将骨抽出嚟,再将干贝、火腿、腕肝、鸡丁、冬菇、冬笋、栗子、糯米、虾仁、青豆等优质配料填入鸭背里面,最后再扣喺大碗里面,再上笼蒸煮制。噉样煮出嚟嘅八宝鸭,唔单止鲜香,形态仲特别丰满完整保持鸭嘅形状,食都食得特别靓。

 

海鲜火锅

如果想打边炉嘅,都可以试下呢度嘅海鲜火锅,海鲜嘅种类多到你估唔到,而且每一只都好大只噶!

汤底嘅食材无花无假,完全係真材实料,连酱汁都係自己调出嚟嘅,噉样煲出嚟嘅汤底先至唔会咁热气。

健康嘅除咗係汤料,仲有水啊!用嚟做汤底嘅水全部都係选用6000米海拔嘅昆仑山雪山矿泉水嚟,唔单止够健康,煲出嚟嘅汤水仲特别清醇香甜

青口,粒粒饱满,色泽均匀。

象拔蚌,你肯定未试过用象拔蚌嚟打边炉,喺呢度你就可以尽情试啦,绝对够任性!

↓鱿鱼,只只够大又新鲜,D肉质煮完之后爽口又弹牙!

↓生蚝,喺呢度全部都喺原只即点即开,蚝肉浸过水,肉感十分爽脆

↓中山脆肉鲩

↓九节虾,九节虾肉多,弹性又好,食起身特别够劲道!

↓白贝

 

鱼翅羹

 

鱼翅羹鲜香美味、营养又丰富,一人一盅都唔怕。海陆丰人家选用嘅係上等靓翅,完完全全係鱼翅嚟咖,冇掺杂任何人工翅或者粉丝!煮熟嘅鱼翅冇散烂,冇变形,证明係靓翅。仲加入咗香菇、干贝等熬煮,味道更鲜浓。宜家做特价仅需48蚊一位咋!

咩叫真材实料,呢D咪叫真材实料咯!舀一羹,满满都係翅

 

优惠信息

 

喜迎2015,所有菜品午市8.8折,晚市9折,活动时间有限,要食就要尽快啦!

 

小编总结

唔试唔知道,一试先知原嚟潮汕有咁多好味道嘅小食,除咗平时食开嘅牛杂煲,小食都值得试噶!以后问我潮汕菜有咩好食,我可以大声话畀你哋知,可以嚟海陆丰人家,保证食到地地道道嘅海陆丰美食